Mask ya Yai

Mask ya Yai

Leo tujifunze jinsi ya kutunza ngozi yako kwa njia rahisi na kwa kutumia bidhaa rahisi ambazo zinapatikana katika mazingira yetu tunayoishi na kwa bei nafuu. hapa naongelea mask ya yai ambayo itakusaidia kuweka ngozi yako katika hali ya ung'avu na kuonekana kawa na ngozi ya kitoto. kulitumia yai kama musk inaipa ngozi yako afya,mng'ao, ulaini na kuikinga na chunusi.

Hatua ya kwanza
chukua vyombo viwili, kimoja cha ute na kingine cha Kiini

uwe na kitu kama hiki

koroga vizuri ute wa yai 

futa uso na taulo lenye unyevu wa maji ya moto kiasi

anza kupaka ute wa  yai

kaa nao dakika 15 hadi 30 ukauke, uso uwe kama unakakamaa hivi kisha ufute na taulo lenye unyevu kama la mara ya kwanza

Lishe kwa ngozi inayopatikana katika ute wa yai

Protein	Kurekebisha na kuzipa afya seli za ngozi. Inasaidia kuwa na ngozi imara isiyo na makunyanzi.
Potassium	Kuiweka ngozi kuwa na unyevu nyevu wake unaoilainisha. Inatunza unyevu katika seli za ngozi.
Riboflavin	Inaondoa kemikali zenye sumu zinazoharibu ngozi na kuleta makunyanzi.
Magnesium	Inakupa ngozi nzuri isiyozeeka na inayong'aa. inapunguza kasi ya ngozi kuzeeka.

Hatua ya Pili

Koroga kiini cha yai

Paka kiini cha yai

Kaa na kiini cha yai usoni kwa dakika 15 hadi 30 mpaka likauke na uso ukakamae kabisa

Safisha uso wako na maji baridi

Futa uso wako vizuri na taulo kavu

Lishe kwa ngozi inayopatikana katika Kiini cha yai

Protein	Kurekebisha na kuzipa afya seli za ngozi. Inasaidia kuwa na ngozi imara isiyo na makunyanzi.
Vitamin A	Inatibu ngozi kavu na inayokakamaa.
Vitamin B2	Inailinda ngozi yako dhidi ya kemikali za sumu zinazoweza kuichakaza ngozi.
Vitamin B3	Inasaidia kupunguza matokeo ya mzio/allergy katika ngozi yako. Inaipa ngozi unyevu nyevu.
Zinc	Inapunguza kasi ya ngozi kuzeeka. Inatibu chunusi na madoa kwenye ngozi.

 
Fascinators.

kofia hizi huko nyuma zilikuwa zinavaliwa na iana flani ya watu tu, wale watu ambao wako vizuri kiuchumi. hii ni kwa sababu zilikuwa zinapatikana kwa gharama kubwa na uoatikanaji ulikuwa mgumu. lakini kwa sasa kofia hizi zinaweza valiwa na mtu yoyote kutokana na upatikanaji wake kuwa rahisi na hata bei yake pia kuwa nafuu kulingana na ukubwa wa kofia yenyewe

kofia hizi zinaweza kuvaliwa katika sherehe kama maharusi, kitchen party, sendoff, baby shower n.k pia zinaweza kuvaliwa hata kanisani au katika matukio maalum ambayo yanahadhi ya kisherehe lakini tunaona pia katika nchi za wenzetu kofia hizi zinavaliwa hata katika misiba.
mfano wa fascinator hats ndo kama hizi:
                                                       

Faida na matumizi ya Mafuta ya Nyonyo (castor Oil)?

Faida na matumizi ya  Mafuta ya Nyonyo (castor Oil)?

Habari mpenzi msomaji.
Leo tuyakumbuke haya mafuta mazuri mno, ya nyonyo. hii ni kwa sababu nimekuwa nikiahangaika sana kuona jinsi gani ngozi yangu itakuwa soft na nywele zangu kurefuka.

Wengi tunaoyafahamu haya mafuta tunayajua kwa kazi yake kwenye kutatua tatizo la kutopata choo; yanafanya kazi vizuri tu nyanja hiyo.

Mafuta ya Nyonyo katika Kukuza Nywele

Mafuta ya nyonyo yanakuza nywele haraka, ukiyapasha joto kidogo kabla ya kupaka, kisha unapaka kwenye ngozi ya kichwa na kuyatawanya vizuri katika ngozi taratibu kama una massage kichwa chako pia bila kupasha kule kumassage kunayongezea joto linayoyapa uwezo wa kupenya vizuri. Unapopaka na kutawanya vizuri unasaidia kuongeza mzunguko wa damu kichwani hivyo virutubisho vinavyoletwa na damu kukuza nywele zako vinafika kwa utoshelevu.  Mafuta haya yana virutubisho mbali mbali ikiwemo Omega 6 fatty acids ambazo huongeza virutubisho vinavyoleta afya katika nywele zako.

Iwapo unataka utumie kama conditioner basi ukimaliza kupaka  kwenye ngozi paka katika ncha zako pia kisha vaa kikofia cha plastiki kisha baadae uzioshe nywele zako vizuri kuondoa mafuta kwa kuwa ulipaka mengi kama conditioner.
Mafuta ya nyonyo ni mazito sana, iwapo utaona una nywele nyepesi na hutaki ziligee kwa uzito wa mafuta pale unapopaka basi changanya na mafuta mengine hasa mafuta ya nazi kwa uwiano wa 1:1.

 

 

Mafuta ya nyonyo yanatibu mba na matatizo mengine ya ngozi ya kichwa.

Mafuta haya huwa na sifa ya kuwa na uwezo wa kuua bacteria na fangasi ambao huweza kuleta matatizo yanayosababishwa na vimelea hivi ikiwemo mba.

Iwapo una nywele kavu na una mba basi changanya mafuta ya nyonyo na ya mzaituni kidogo kisha paka kichwani pako kwa mfululizo mpaka shida yako ipungue au iishe.

Iwapo una mba na nywele zina mafuta mengi basi changanya hivi: kijiko kimoja kimoja cha mafuta ya nyonyo, asali na ute ute wa aloevera na maji ya nusu limao. Paka kwenye mizizi ya nywele yani kwenye ngozi kaa nayo dakika 30 kisha osha mchanganiko utoke kwenye nywele yako.
Pamoja na kutibu mba michanganyiko hii hurutubisha nywele na kufanya zing'ae.

Yanajaza nywele Zako

Mafuta ya nyonyo yana omega 6 na omega 9 acids ambazo ni virutubisho vinavyosaidia katika afya ya nywele yako. Ukitumia mara kwa mara mafuta ya nyonyo yanasaidia kuotesha nywele na kuzipa nguvu(kuzinenepesha) nywele zako ambazo tayari ni ndefu.

Unaweza kutumia kama conditioner 

Unapaka na kuvaa plastiki kisha unaosha, unaweza kulala nayo kichwani mpaka asubuhi. Pia unaweza kuchanganya na conditioner au steaming yako unayotumia.

Yanarudisha mng'ao wa nywele zako

Iwapo utayachanganyana mafuta mengine au utayatumia yenyewe yana virutubisho vinavyoiacha nywele yako iking'aa.

Iwapo unasumbuliwa na ncha za nywele zako hii ni dawa

paka mafuta ya nyonyo kabla ya kuosha nywele zako na shampoo, shampoo inamaliza baadhi ya mafuta ya asili kwenye nywele na kukupa ncha kavu zinazosababisha kuchomoka nywele zako unapochana.

Yanasadia kutibu chunusi

Haya mafuta yana kiungo chenye uwezo wa kuua bacteria wanaosababisha chunusi.

Pishana na uzee kwa mafuta ya nyonyo

Yanasaidia kuondoa vikunyanzi vidogo vidogo usoni vinavyotokea kwenye ngozi ya watu wenye umri mkubwa. Imeonekana mafuta haya ya kirutubisho kinachosadia kubalance collagen katika ngozi yako, collagen ndio kirutubisho kinachotunza ngozi ya ujana.

Kuza kope na nyusi kwa mafuta ya nyonyo

Inasemekana yamekuwa na mafanikio pia katika kukuza/kujaza kope na nyusi.

kupaka machoni

Upatikanaji wake

Mafuta ya nyonyo yapo yanayochujwa kwa njia ya kawaida kama ya nazi, mbegu za nyonyo hupondwa na kupikwa. Kuna haya maarufu kama 'Jamaican Castor Oil' haya huandaliwa kwa kukaanga kwanza zile mbegu kisha yanachujwa hivyo hutoka meusi. ni vema upate yaliyoandaliwa kiasili yasiwe super refined au yameongezewa kemikali.

mmea wake( mti wa nyonyo)

mbegu za nyonyo(castor beans/seeds)

Tahadhali

Mafuta ya nyonyo yana harufu kali hivyo unaweza kuchanganya na kitu kingine kama mdalasini au mafuta mengine kupunguza harufu.

All the Best dears. ukifanikiwa, usisite kutushirikisha matokeo ya mafuta haya tafadhali